مش محاضرات وخلاص. كل جزء بتتعلمه بتطبّقه على مشروعك أو على العميل اللي شغال معاه، ومعاك حد بيراجع.
8 سيشنز أونلاين: البيزنس، والتسويق والمحتوى، والإعلانات والأرقام، وخدمة العملاء، والـ AI، وفي الآخر Case Study بنجمع فيها كل حاجة. وبعدها 3 شهور متابعة على شغلك.
8 سيشنزأونلاين + تسجيلات3 شهور متابعةتبدأ 10 نوفمبر
المشكلة غالبًا إن التسويق بيتعمل حتت منفصلة، كل حتة لوحدها.
الفكرة اللي بتفرق
التسويق الطبي منظومة، مش إعلان
البيزنس←الرسالة←المحتوى←الإعلانات←الأرقام
التسويق مش بيصلّح البيزنس. بيسرّع الاتجاه اللي هو ماشي فيه أصلًا. لو حلقة واحدة في السلسلة دي ضعيفة، الإعلان مهما كان كويس مش هيعوّضها. عشان كده الورشة ماشية بالترتيب ده بالظبط، وكل سيشن بتبني على اللي قبلها.
«مختلف عن أي كورس اخدته قبل كده لأنه بيشتغل على way of thinking أكتر من خطوات ثابتة نمشي عليها.»
— مشارك في الراوند الأولى
الورشة لمين؟
أصحاب المشاريع
دكاترة وأصحاب عيادات ومراكز
عايز تفهم تسويق مشروعك، وتاخد قراراتك بالأرقام، وتعرف تحاسب أي حد شغال معاك.
Creators & Marketers
صنّاع محتوى ومسوّقين
عايز تتخصص في المجال الطبي، وتفهم البيزنس اللي بتسوّقله، وتبقى شريك في النتيجة مش مجرد منفّذ.
الصيدليات
صيادلة وأصحاب صيدليات
عايز تطلّع ميزة تخلي الناس تختار صيدليتك، وتسوّق لمنطقتك بشكل منظم.
ومش مناسبة لو…
مستني زرار سحري يجيب مرضى من غير شغل، أو مش ناوي تطبّق اللي هتتعلمه على شغلك.
هتتعلم إيه؟
8 سيشنز… كل واحدة بتبني على اللي قبلها
من أول البيزنس لحد ما المريض يحجز ويحضر، وفي الآخر بنطبّق كل ده على Case حقيقية. في آخر كل جزء، هتخرج قادر إنك…
SESSION 01سيشن
البيزنس
تعرف نوع البيزنس بتاعك وبيكسب إزاي.
تفرّق بين مشكلة تسويق ومشكلة بيزنس.
تختار الخدمة اللي تستاهل الميزانية، مش الأغلى وخلاص.
تحسب أقصى مبلغ تقدر تدفعه عشان تجيب مريض جديد وإنت لسه كسبان.
SESSIONS 02–03سيشنتين
التسويق والمحتوى
تحدد بتكلّم مين، ومحتاج إيه، وبيقرر إزاي.
تطلّع ميزتك وتحوّلها لعرض واضح.
تكتب رسالة بلغة المريض، مش بلغة الدكتور.
تجيب أفكار المحتوى من كلام الناس، مش من دماغك.
تبني محتوى كل قطعة فيه ليها وظيفة.
SESSIONS 04–05سيشنتين
الإعلانات والـ Performance
تخطط حملة قبل ما تفتح Ads Manager.
تفهم وتشغّل حملة على Meta خطوة بخطوة.
تقرا الأرقام من الإعلان لحد المريض اللي حضر.
تعرف المشكلة فين، وتقرر تكمّل ولا تحسّن ولا توقف.
تعرف تقيّم أي Media Buyer شغال معاك.
SESSION 06سيشن
خدمة العملاء
تعرف البيعة بتضيع فين بين الرسالة والحجز.
ترد على الاستفسارات بطريقة بتقرّب الشخص من الحجز.
تتابع مع اللي قال «هفكر» من غير ما تضايقه.
تقلل اللي بيحجزوا ومابيجوش.
SESSION 07سيشن
الـ AI في التنفيذ
تستخدم الـ AI يساعدك تنفّذ أسرع: ترتيب معلومات مشروعك، وأفكار المحتوى، وأول درافت للرسالة، وتنظيم الـ Brief.
الـ AI أداة مش عقل، فبتيجي بعد ما تكون فهمت كل اللي قبلها.
SESSION 08سيشن
Case Study
تشوف المنظومة كلها شغالة على Case واحدة من الأول للآخر: البيزنس، والرسالة، والمحتوى، والإعلانات، والأرقام.
لو بعد أول سيشن حسيت إن الورشة مش ليك ومش عايز تكمّل، كل اللي دفعته بيرجعلك كامل.
الدفعة التانية · تبدأ 10 نوفمبر
استمارة الاشتراك وتأكيد مقعدك في الورشة 🎯
سجل بياناتك وسيتم التواصل معك مباشرة عبر وسيلتك المفضلة لتأكيد حجز مقعدك بالدفعة الثانية والإجابة على أي استفسار.
أسئلة بتتسأل
معنديش أي خبرة في التسويق. هفهم؟
آه. الورشة معمولة لأصحاب المشاريع الطبية واللي شغالين معاهم، مش للمتخصصين بس. والشرح بأمثلة من المجال الطبي نفسه. ولو وقفت عند حاجة، تسأل فيها في المتابعة.
مش هقدر أحضر لايف. أعمل إيه؟
كل سيشن متسجلة، وتقدر تشوفها في الوقت اللي يناسبك.
أنا Content Creator ومشتغلتش في الطبي قبل كده. تنفعني؟
آه. هتفهم المجال من جوه: أنواع البيزنس الطبي، والمريض بيقرر إزاي، وإزاي تكتب له. وفيه مشاركين في الراوند الأولى كانوا في نفس موقفك.
المتابعة فيها إيه بالظبط؟
3 شهور بعد آخر سيشن، لقاء كل أسبوعين، وتقدر تبعت شغلك للمتخصص ياخد عليه Feedback.
الدفع إزاي؟
ابعت على واتساب وهيوصلك طرق الدفع. تقدر تدفع 2,950 مرة واحدة، أو على دفعتين: 1,475 للحجز و1,475 بعد أول سيشن.
لو مش عايز أكمل؟
بعد أول سيشن، لو قررت ماتكملش، كل اللي دفعته بيرجعلك.
الورشة بتضمن إني هجيب مرضى أو عملاء؟
لأ، ومحدش يقدر يضمن ده بصراحة. اللي الورشة بتديهولك إنك تفهم إيه اللي بيحصل في تسويقك، وتاخد قرارات صح، وتطبّق ومعاك متابعة.
